رحـــــــــــــــــــــــل

رحل ..
إشتاق لجراحي و رحل ..
يحق له طيبتي ما تحتمل ..
قليله في وقت الهموم ..
ما كنت أعاتب أو ألوم ..
يحق له ما يحتمل هذا الملل ..
أسدلت أيامي لعناده ..
حبيته في قربه و بعاده ..
متعبه هذي السعاده ..
إشتاق لجراحي و رحل ..


اللي حصل كيف أفهمه ..
واللي رحل من علمه ..
من علمه يهجر إذا غطى الفرح كل الزوايا ..
من علمه يغدر إذا صار الوفا نبض و حنايا ..
من علمه يتلاعب بروحي ..
من علمه يمشي على جروحي ..
من علمه يقتل بأيامي الأمل ..
من علمه يشتاق لجراحي و رحل ..
إشتاق لجراحي ورحل ..

يا سيدي ..
أقسى ما في اللي بيجي ما هو العذاب اللي إبتدا ..
ولا الصدى اللي خذا مني نداي ..
ولا غروبك عن سماي ..
أقسى ما في اللي بيجي كل الحكي و الأسئله ..
و إذا رحل .. ليه رحل .. متى رحل ..
و إلا تعابير الأسى على الوجوه الصامته ..
و إلا العيون الشامته ..
و إلا العذول اللي يقول ..
اللي حصل ما هو غريب ..
و إلا يقول ..
ما كان يستاهل يكون أغلى حبيب ..
يا سيدي ..
أقسى ما في اللي بيجي إني بقول ..
هذا كل اللي حصل ..
رحل