السلام عليكم ورحمة الله وبركاته
القصه تقول ان فيه بنت تدرس في الثانويه واسمها (عبير ) مره راحت السوق مع امها
وقابلت واحد ورقمها((واخزياه)) المهم اخذت الرقم واتصلت عليه تعرف عليه وهو
اسمه (خالد)المهم تعرفو علي بعض وزادت العلاقه وقوت بينهم ...المهم كلن منهم
يبي يقابل الثاني ولا لقو طريقه وفجأه جت فكره لخالد...
قال اقول عبير ورى ما نتقابل عند المدرسه ..
قالت عبير:: كيف وضح؟؟؟
قال اسمعي انتي ابوك ينزلك الصباح ويروح الدوام صح؟
قالت :صح عليك..
قال: انا امرك وتركبين معي
قالت: بس المديره بتكلم على البيت
قال : افصلي التليفون وارتاحي
قالت:بس خايفه اتوهق
قال: جربي ونشوف
المهم راح ابو عبير ووصل بنته للمدرسه ومشى .. وثواني الا وخالد واقف وركبت
عبير بسرعه وراحوا افطرو في ذا الكوفي شوب الفخم وجلسو يسولفون لين تمت الساعه
12:15 راح خالد ونزل عبير ورجعت البيت وهي خايف بس محد درى .. وكلمت خالد على
طول وقالت ان اهلها ما درو
وطمنته وسولفو شوي وقال خالد وش رايك اقابلك بكره
قالت :لالالا مو كل مره تسلم الجره
قال :المره ذي جايب لك هديه
قالت :مر .. واشوف الوضع
ومر خالد في الوقت نفسه وركبت عبير
المهم مالكم في طولت الهرج خذو على هالحال اسبوع كامل من السبت الى
الاربعاء ...
وجاء يوم السبت اليوم الي نست فيه عبير تفصل التليفون.. وطلعت مع خالد ..
ولا التليفون يرن ..قامت ام عبير (يالله صباح خير)
ام عبير: الو
المديره :الو السلام عليكم
ام عبير :عليكم السلام من تتكلم؟؟
المديره:انا الاستاذه هدى مديرة المدرسه اللي تدرس فيها بنتك
ام عبير: هلا عسى ما شر
المديره :لا ما فيه الا الخير بس عبير لها اسبوع ما جت عسى ماهي مريضه ؟؟
ام عبير :كيف ...((وصرفت الموضوع)) ايه الله يسلمك البنت مرضت شوي بس
المديره : زين الف حمد الله على سلامتها مع السلامه
ام عبير دارت بها الدنيا وما تدري وش تسوي تعلم ابو عبير ولا تمسك البنت وتسالها ؟؟..؟؟
المهم قالت لابو عبير عن كل شيء وقال اسمعي لا تقولين لها اي شيء انا بشوف وين تروح...
ويوم الاحد وصل ابو عبير بنته ومشى شوي وصفط يمين الا هذي
االلكزس تمر وتركب عبير بنته المهم اللكزس كانت مضلله
ومشى وراها ابو عبير الين هاذيك الشقق ونزلت عبير وخالد
ووقف ابو عبير ونزل ومسك راعي الشقق وقاله في شقق
وعلمه شقه 14 وطلع ابو عبير وهو يرقى الدرج كان خالد نازل
وما انتبه ابو عبير له المهم طق الباب وفتحت عبير وانصدمت
يو شافت ابوها وضربها وهي هجت للمطبخ واخذت السكينه
تبي تروع ابوها وغلطت وطعنته في صدره وطاح الابو مغمى عليه
وجا خالد وشاف الموقف وقال لعبير بسرعه شيليه معي للحمام
وحطوه في ((البانيو)) وملوه مويه وحطو عليه صابون الغسيل تايد عشان الرغوه وطلعو
ورجع البنت للمدرسه وهي تفكر في اللي صار حقيقه ولا خيال ..المهم طلعت من المدرسه ورجعت
مع الباص وطقت باب البيت الا المفاجأه الغريبه ابوها فتح لها....
وصاااااااااااحت وقالت :ابوي مو معقول
رد وقال ::مع تـــــــــايـــــــــــــد في الغسيل مافيش مستحيل
